• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہباز شریف جاتی امرا، آصف زرداری اسلام آباد میں عید منائینگے

آج کا اخبار
اہم خبریں
07 جون ، 2025
اسلام آباد(آئی این پی)صدر مملکت آصف علی زرداری اسلام آباد جبکہ وزیراعظم شہباز شریف جاتی امرا لاہور میں نماز عید ادا کرینگے۔ فضل الرحمٰن آبائی علاقے ابوالخیل، بیرسٹر گوہر بونیر، عمر ایوب ہری پور میں عیدالاضحی منائینگے۔ رپورٹ کے مطابق صدر آصف علی زرادری عیدا لاضحی وفاقی دارالحکومت اسلام آباد میں منائینگے۔ وزیراعظم شہباز شریف اس وقت سعودی عرب کے دورے پر ہیں البتہ عید اپنے آبائی علاقے جاتی امرا لاہور منائیں گے۔ جبکہ چیئرمین پیپلز پارٹی بلاول بھٹو زداری کی عید دورہ امریکا سے واپسی پر راستے میں ہو گی۔وفاقی وزیر ریلوے حنیف عباسی راولپنڈی میں عید منائیں گے، سربراہ جے یو آئی مولانا فضل الرحمان اپنے آبائی علاقے ابوالخیل میں عیدالاضحی گزاریں گے۔ وزیراعلی خیبر پختونخوا علی امین گنڈا پور اور گورنر فیصل کریم کنڈی ڈیرہ اسماعیل خان میں عید منانے کا ارادہ رکھتے ہیں۔قومی اسمبلی میں قائد حزب اختلاف عمرایوب عید پر ہری پور میں ہوں گے، پی ٹی آئی رہنما بیرسٹر گوہر آبائی علاقے بونیرمیں عید منائیں گے۔ سابق چیئرمین سینیٹ صادق سنجرانی عیدالاضحی پرکوئٹہ میں ہوں گے جبکہ سربراہ عوامی مسلم لیگ شیخ رشید اپنے شہر راولپنڈی میں عید منائیں گے۔
اہم خبریں سے مزید