• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ابراہیم حیدری کا رہائشی کانگو وائرس سے ہلاک، کراچی میں دوسری ہلاکت رپورٹ

آج کا اخبار
اہم خبریں
20 جون ، 2025
کراچی (بابر علی اعوان /اسٹاف رپورٹر) کراچی میں ایک ہفتے کے دوران کانگو وائرس سے دوسری ہلاکت رپورٹ ہوئی ہے ۔ محکمہ صحت سندھ کے مطابق ابراہیم حیدری کے رہائشی 25سالہ محمد زبیر کو کانگو کریمئن ہمرجک فیور ہوا تھا،اس کا علاج کیا گیا تاہم وہ جانبر نہ ہوسکا ۔ محکمہ صحت کے مطابق محمد زبیر نے7اور 8 جون کومسلسل جانور ذبح کیے،اسے13جون کو تیز بخارہوا جس سے کمزوری، ڈائریا، پیٹ اور سر میں دردہوا اور اسےسندھ گورنمنٹ ابراہیم حیدری اسپتال لایا گیا جہاں اسے طبی امداد دے کر واپس بھیج دیا گیا۔ 14جون کو دوبارہ اس کی طبیعت خراب ہوئی ،16جون کی شام اسے جناح اسپتال منتقل کیا گیا جہاں بدستور اس کی طبیعت خراب رہی، آئی سی یو میں جگہ نہ ہونے کے باعث اسے 17جون کوانفیکشئس ڈیزیز اسپتال نیپا میں داخل کیا گیا جہاں 19جون کو وہ انتقال کر گیا ۔
اہم خبریں سے مزید