فرمان الہی
نماز کے اوقات
اسلام آباد(فاروق اقدس)وزیراعظم شہبازشریف اور مولانا فضل الرحمان کے درمیان ’’ون آن ون‘‘ملاقات ہوئی، ملاقات میں سیاسی صورتحال اور اسرائیل ایران جنگ سے جڑے واقعات پربھی تبادلہ خیال ہوا۔وزیراعظم نے اسجد محمود سے ان پرحملے اور اغوا کرنے کی کوشش کی تفصیل ان کی زبانی سنی۔ تفصیلات کے مطابق مصدقہ ذرائع سے معلوم ہوا ہے کہ وزیراعظم شہبازشریف نے جو اپنے رفقا کے ہمراہ مولانا فضل الرحمان کے چھوٹے صاحبزادے اسجد محمودپر حملے کی تفصیلات جاننے کیلئے جمعہ کو اسلام آباد میں ان کی رہائش گاہ پر پہنچے تھے اس موقع پر انہوں نے اسجد محمود سے اس تمام واقعے کی تفصیلات خود انکی زبانی پوری توجہ اور انہماک سے سنی۔جس کے بعد انہوں نے مولانا فضل الرحمان سے تفصیلی ملاقات بھی کی ذرائع کے مطابق تقریباً50منٹ دورانئے پر محیط ’’ون آن ون‘‘ہونے والی اس ملاقات میں ملک کی موجودہ سیاسی صورتحال بالخصوص ایران پر اسرائیل کے حملے سے جڑے واقعات اور اس میں پاکستان کے کردار کے حوالے سےبھی تفصیلی تبادلہ خیال ہوا۔
