فرمان الہی
نماز کے اوقات
کراچی (اسٹاف رپورٹر)امیر جماعت اسلامی کراچی منعم ظفر خان نے شہر میں پانی کے سنگین بحران اور K-4منصوبے کے حوالے سے وزیر اعظم شہباز شریف کو خط ارسال کیا ہے اور مطالبہ کیا ہے کہ K-4منصوبے کے لیے وفاقی بجٹ میں رکھی گئی رقم میں فوری طور پر اضافہ اور مطلوبہ 40ارب روپے مختص کیے جائیں،منعم ظفر خان نے اپنے خط میں وزیر اعظم شہباز شریف کو مخاطب کرتے ہوئے کہا کہ آپ جانتے ہیں کہ کراچی پاکستان کی اقتصادی شہ رگ ہے، انہوں نے شہباز شریف کو ان کی 30اگست 2021کے دورہ کراچی میں قائد اعظم محمد علی جناح ؒ کے مزار پر حاضری کے موقع پر کیا گیا وعدہ اورا علان یاد دلایا جس میں کہا تھا کہ ان کو”اگر موقع ملا تو وہ کراچی کوپیرس“ بنا دیں گے، منعم ظفر خان نے کہا کہ قسمت نے آپ کو یہ موقع فراہم کر دیا اور آپ ملک کے وزیر اعظم بن گئے، سردست آپ کی توجہ کراچی میں جاری پانی کے سنگین بحران اور K-4منصوبے کی طرف مبذول کرانا ہے،ساڑھے تین کروڑ آبادی والے شہر کو روزانہ کم از کم 1200ملین گیلن پانی در کار ہے مگر شہر کو صرف اس کی ضرورت کا نصف یعنی کم و بیش 650ملین گیلن پانی ملتا ہے، مگر K-4منصوبے کے لئے وفاقی بجٹ میں مطلوبہ 40ارب روپے مختص کرنے کے بجائے صرف 3.2ارب روپے رکھے گئے۔
