• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خانیوال ‘ چار بڑے بازاروں کو ماڈل پیڈسٹرین میں تبدیل کرنے کی منصوبہ بندی شروع

میرا شہر
ملتان
09 جولائی ، 2025
ملتان(سٹاف رپورٹر)وزیراعلیٰ پنجاب مریم نواز شریف کی خصوصی ہدایات پر جنوبی پنجاب کے شہروں کو خوبصورت بنانے کے منصوبوں پر تیزی سے عمل جاری ہے۔ان اقدامات کے تحت خانیوال شہر کے چار بڑے بازاروں کو ماڈل پیڈسٹرین بازاروں میں تبدیل کرنے کیلئے منصوبہ بندی شروع کر دی گئی ہے۔ ان بازاروں میں اکبر بازار، کچہری بازار، جنت روڈ، اور جامع مسجد روڈ شامل ہیں، جنہیں وہیکل فری زون (گاڑیوں سے پاک علاقے) بنایا جائیگا۔یہ تفصیلات ایڈیشنل چیف سیکرٹری جنوبی پنجاب فواد ہاشم ربانی کو ڈپٹی کمشنر خانیوال ڈاکٹر سلمیٰ سلیمان نے بریفنگ کے دوران بتائیں‘ اس موقع پر ایڈیشنل آئی جی پولیس جنوبی پنجاب محمد کامران خان اور ڈی پی او اسماعیل کھاڑک بھی موجود تھے‘ بریفنگ میں بتایا گیا کہ ان چاروں بازاروں میں گاڑیوں کیلئے پارکنگ کی جگہیں مختص کی جائیں گی، اور چھتریوں سے آراستہ بیٹھنے کے مقامات بنائے جائینگے۔ اس کے علاوہ فوڈ کورٹس قائم ہونگے اور بجلی کا تمام نظام زیرِ زمین ہو گا۔ ان بازاروں میں داخلے کیلئے 8داخلی دروازے بنائے جائینگے۔بازاروں سے ملحقہ سڑکوں پر ہائیڈرولک اسپیڈ بریکرز لگائے جائیں گے جبکہ بازاروں کے اندر دیدہ زیب درخت اور بڑے پلانٹرز نصب کیے جائیں گے۔ اس کے ساتھ ساتھ یونیفارم برینڈنگ بھی کی جائے گی۔ شہریوں کو بازار کے اندر آمد و رفت کے لیے گالف کارٹس کی سہولت فراہم کی جائے گی۔
ملتان سے مزید