• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی آئی اے کا روزویلٹ ہوٹل، پاکستان نجکاری کے مالی مشیر کو 2.1 ارب روپے دیگا

آج کا اخبار
اہم خبریں
11 جولائی ، 2025
اسلام آباد (خالد مصطفیٰ)ایک اعلیٰ حکومتی عہدیدار نے دی نیوز کو بتایا ہے کہ جونز لینگ لاسال امریکا (JLL)، جو کہ روزویلٹ ہوٹل کے لیے ٹرانزیکشن اسٹرکچر رپورٹ (TSR) تیار کرنے کا مالی مشیر ہے، اسے مجموعی طور پر 8 ملین امریکی ڈالر (تقریباً 2.1 ارب روپے موجودہ ایکسچینج ریٹ کے مطابق) کی ادائیگی حکومت کی طرف سے کی جائے گی۔مالی مشیر کو ایک کامیابی فیس (Success Fee) بھی ادا کی جائے گی، جو کہ ٹرانزیکشن کی کل مالیت کا 0.95 فیصد ہوگی اگر روزویلٹ ہوٹل کی ٹرانزیکشن 1 ارب ڈالر یا اس سے زیادہ پر کامیابی سے مکمل ہوتی ہے۔اب تک 1.84 ارب روپے مالی مشیر کو ادا کیے جا چکے ہیں، جب کہ باقی رقم مارکیٹنگ اور بولی کے آغاز اور ٹرانزیکشن کے مکمل ہونے پر ادا کی جائے گی۔روزویلٹ ہوٹل نیو یارک کے علاقے میڈیسن ایوینیو اور ایسٹ 45 اسٹریٹ پر واقع ہے۔ بیو آرٹس طرز تعمیر میں بنایا گیا یہ ہوٹل نیویارک کے گِلڈڈ ایج اور جاز دور کی عکاسی کرتا ہے۔
اہم خبریں سے مزید