• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیر داخلہ محسن نقوی ایران پہنچ گئے، سہ ملکی کانفرنس میں شرکت کرینگے

آج کا اخبار
اہم خبریں
14 جولائی ، 2025
اسلام آباد ( ایوب ناصر)وفاقی وزیرداخلہ محسن نقوی اتوار کی رات سرکاری دورے پر ایران پہنچ گئے، ایرانی وزیر داخلہ اسکندر مومنی نے استقبال کیا،کانفرنس میں ایران  اور عراق کے وزرائے داخلہ بھی شریک ہوں گے، امام خمینی انٹرنیشنل ائرپورٹ پر ایران کے وزیر داخلہ اسکندر مومنی نے پاکستانی ہم منصب محسن نقوی کا پرتپاک استقبال کیا،وفاقی وزیرداخلہ نے ایرانی ہم منصب سے ملاقات کی ،باہمی دلچسپی کے امور اور پاک ایران تعلقات پر تبادلہ خیال کیا گیا ۔ محسن نقوی نے کہا کہ ایران ہمارا برادر ہمسایہ ملک ہے۔ دوطرفہ تعلقات کو خصوصی اہمیت دیتے ہیں۔ امید ہے پاک ۔ ایران اور عراق سہ ملکی کانفرنس سے زائرین کے مسائل حل کرنے میں مدد ملے گی۔ محسن نقوی نے ایران کے سپریم لیڈر آیت اللہ خامنہ ای اور صدر مسعود پزشکیان کے لیے نیک خواہشات کا اظہار کیا ، وزیرداخلہ محسن نقوی زائرین اور بارڈر ایشوز پر پیر کو تہران میں منعقدہ سہ ملکی کانفرنس میں شرکت کریں گے، سہ ملکی کانفرنس میں ایران اور عراق کے وزرائے داخلہ بھی شریک ہوں گے، زائرین ۔ بارڈر اور دیگر متعلقہ مسائل کے حل کیلئے پاکستان کی درخواست پر سہ ملکی کانفرنس کا انعقاد ہو رہا ہے، وفاقی وزیرداخلہ محسن نقوی ایران کے صدر مسعود پزشکیان سے بھی ملاقات کریں گے۔
اہم خبریں سے مزید