فرمان الہی
نماز کے اوقات
کراچی( اسٹاف رپورٹر )وزیر داخلہ سندھ ضیاء الحسن لنجار کی زیر صدارت صوبے بھر میں سرگرم نجی سیکیورٹی کمپنیز سے متعلق ایک اجلاس کا انعقاد کیا گیا ، جس میں شریک ایڈیشنل چیف سیکریٹری برائے داخلہ اقبال میمن نے نجی سیکیورٹی کمپنیز کےجملہ امورواقدامات پر تفصیلی بریفنگ دیتے ہوئے بتایا کہ اس وقت صوبائی سطح پر 302 نجی سیکیورٹی کمپنیز رجسٹرڈ ہیں جن میں سے اب تک 41 کمپنیز کو شوکاز نوٹس جاری کیئے گئے ہیں جبکہ 36 کمپنیز کے لائسنس بھی منسوخ کردیئے گئے ہیں ،وزیر داخلہ سندھ نے کہا کہ پرائیوٹ سیکیورٹی کمپنیز سے متعلق موجودہ قانون کا جائز لے رہے ہیں اور اس ضمن میں ضروری ترامیم متعارف کرانے پر بھی کام کیا جارہا ہے تاہم اس وقت انتہائی ضروری ہےکہ جملہ نجی سیکیورٹی کمپنیز کے لیئے از سر نو ایس او پی ترتیب دیا جائے اور یہ طے کیا جائے کہ سیکیورٹی گارڈز کو باقاعدہ تربیت کہاں دی جائے،انہوں نے نجی سیکیورٹی کمپنیز کے جملہ امور و اقدامات کو ایک دائرے میں لانے کے لیئے کمیٹی قائم کرنے کا اعلان کرتے ہوئے کہا کہ کمیٹی 30 یوم کے اندر نجی سیکیورٹی کمپنیز کی مکمل انسپیکشن پر مشتمل رپورٹ ارسال کرے گی بصورت دیگر نجی سیکیورٹی کمپنیز/غیر قانونی کمپنیز کے خلاف قانونی کارروائی عمل میں لائی جائے گی،انہوں نے بتایا کہ قائم کردہ کمیٹی،اسپیشل سیکریٹری برائے داخلہ، کو آرڈینٹر وزیر داخلہ، اسپیشل برانچ،آئی بی اورقانون نافذ کرنیوالے ادروں کے نمائندگان پر مشتمل ہوگی۔
