فرمان الہی
نماز کے اوقات
کراچی (اسٹاف رپورٹر) ملت جعفریہ کے تحت پاک محرم ہال میں پریس کانفرنس سے علامہ احمد اقبال رضوی، علامہ ناظر عباس تقوی،علامہ مبشر حسن ،علامہ باقر زیدی و دیگر نے پریس کانفرنس کرتے ہوے کہا ہےکہ ابرہم اکارڈ کسی طور پر قبول نہیں اس کا مطلب اسرائیل کو تسلیم کرنے کے مترادف ہوگا ، ابراہم اکارڈ کا ہدف پاکستان اور ایران ہیں اگر حکومت نے اسرائیل کو تسلیم کرنے کی کوشش کی تو ملک بھر میں تحریک چلے گی اور حکومت ختم کردی جائے گی،ہمارے جن کارکنوں کے خلاف ایف آئی آر درج ہیں انہیں فوری واپس لیا جائے، تمام سیاسی اور مذہبی جماعتوں سے رابطہ کرکے چہلم امام حسین ؑکے موقع پر اپنی قوت کا اظہار کریں گے ،دو سال سے غزہ میں ظلم جاری ہے، پاکستان نظریاتی ملک ہے اور ہمارے قائدین اسرائیل کے خلاف تھے پاکستان نے کبھی بھی اسرائیل کو تسلیم نہیں کیا، پاکستان کو دباؤ میں لانے کی کوششیں ہورہی ہیں ، 70 ہزار فلسطینی مارے گئے آپ ان کی لاش پر اسرائیل کو تسلیم کریں گے، امریکا کی غلامی سے ہمارے حکمرانوں کو کیا ملا ہے۔
