• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاس اینجلس اولمپکس 2028 میں کرکٹ کی 128 سال بعد واپسی

آج کا اخبار
اہم خبریں
15 جولائی ، 2025
کراچی(عبدالماجدبھٹی)لاس اینجلس اولمپکس 2028 میں کرکٹ کی 128سال بعد واپسی ہورہی ہے۔ پاکستان کی مردوں اور خواتین ٹیموں کی شرکت مشکوک ہے کیوں کہ رینکنگ کی بنیاد پر پاکستان کا کوالی فائی کرنا مشکل ہے۔اولمپکس کے منتظمین کے مطابق لاس اینجلس اولمپکس میں کرکٹ مقابلے ایونٹ سے 2 دن قبل شروع ہوں گے،لاس اینجلس اولمپکس کا باضابطہ آغاز 14 جولائی 2028 سے ہوگا، کرکٹ مقابلے 12 سے 29 جولائی 2028 کے درمیان کھیلے جائیں گے، 12اور 13 جولائی‘مائنس 2’ اور ‘مائنس 1’قرار دیئے گئے، لاس اینجلس اولمپکس 2028 سے ٹھیک تین برس اولمپک مقابلوں کے شیڈول کی رونمائی کی گئی ہے.کرکٹ مقابلے دو مراحل میں ہوں گے، پہلا مرحلہ 12 سے 18 جولائی جبکہ دوسرا مرحلہ 22 سے 28 جولائی کو ہوگا، فائنل 29 جولائی کو کھیلا جائے گا، مینز اور ویمنز کے مقابلوں کے ترتیب کے حوالے سے تاحال فیصلہ نہیں ہوسکا،میڈلز ایونٹس اور میچز کی ترتیب کے حوالے سے فیصلہ اس سال کے آخر میں کیا جائے گا، مرد و خواتین کرکٹ مقابلوں میں 6، 6 ٹیمیں شامل ہوں گی، اولمپکس اتنظامیہ کے مطابق ٹیمیں رینکنگ کی بنیاد پر شریک ہوں گی۔ پاکستان کی رینکنگ چھٹی سے کم ہے۔ میچز پامونا کے فیئر گراؤنڈز کرکٹ اسٹیڈیم میں کھیلے جائیں گے، آئی سی سی 17 سے 20 جولائی سنگاپور میں ہونے والے اجلاس میں کوالیفکیشن کے حوالے سے حتمی فیصلہ کرے گی ٹیموں کی شمولیت ممکنہ طور پر آئی سی سی رینکنگ کی بنیاد پر ہوگی۔
اہم خبریں سے مزید