• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اگست میں کراچی میں ڈبل ڈیکر بسیں و الیکٹرک ٹیکسی شروع کرینگے، شرجیل میمن

آج کا اخبار
اہم خبریں
16 جولائی ، 2025
کراچی ( اسٹاف رپورٹر)سندھ کے سینئر وزیر شرجیل انعام میمن نے کہا ہے کہ سندھ حکومت کی ترجیح ہے کہ شہر کی تمام بی آر ٹی لائنز بشمول گرین لائن، اورنج لائن، ریڈ لائن اور یلو لائن کو آپس میں منسلک کیا جائے، جس سے کراچی میں ٹریفک کے دباؤ میں نمایاں کمی آئے گی اور شہریوں کو پولوشن فری سفری سہولت فراہم ہو گی۔ یلو لائن اور دیگر بی آر ٹی منصوبوں میں الیکٹرک بسیں (EV buses) متعارف کرائی جا رہی ہیں، جو ماحول دوست ہیں۔سندھ حکومت اگست کے مہینے میں کراچی میں ڈبل ڈیکر بسیں اور پاکستان کی پہلی الیکٹرک ٹیکسی سروس (EV Taxi)شروع کرنے جا رہی ہے۔ خواتین کے لیے خصوصی طور پر پنک ای وی اسکوٹرز مفت فراہم کی جائیں گی تاکہ انہیں محفوظ اور آسان ٹرانسپورٹ کی سہولت مل سکے۔سندھ کے سینئر وزیر شرجیل انعام میمن نے جام صادق پل پر یلو لائن بی آر ٹی کے تعمیراتی کام کا جائزہ لیا اور میڈیا سے گفتگو کرتے ہوئے صوبے میں جاری ترقیاتی منصوبوں اور مسائل پر تفصیلی روشنی ڈالی۔ شرجیل انعام میمن نے کہا کہ سندھ حکومت نے اپنے دور میں کراچی میں ہزاروں کلومیٹر سڑکوں کی تعمیر اور صفائی ستھرائی کے منصوبے مکمل کیے ہیں۔
اہم خبریں سے مزید