• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر زرداری کی سالگرہ پر چینی صدر شی جن پنگ کا خصوصی پیغام

آج کا اخبار
اہم خبریں
25 جولائی ، 2025
اسلام آباد (نمائندہ جنگ)صدر زرداری کی سالگرہ پر چینی صدر شی جن پنگ کا خصوصی پیغام،صدرِ مملکت آصف علی زرداری سے پاکستان میں چین کے سفیر جیانگ زیڈونگ نے جمعرات کو ایوانِ صدر میں سے ملاقات کی اور دوطرفہ تعلقات، باہمی دلچسپی کے امور اور علاقائی تعاون پر تبادلہ خیال کیا،۔ اس موقع پر، چینی سفیر نے صدرمملکت کی آنے والی سالگرہ پرصدر شی جن پنگ کی جانب سےان کے لئے نیک خواہشات کا خصوصی پیغام پہنچایا۔ایوانِ صدر سے جمعرات کو جاری بیان کے مطابق صدر مملکت نے کہا کہ پاکستان چین کے ساتھ اپنے تعلقات کو انتہائی اہمیت دیتا ہے ، دونوں ملکوں کے درمیان تجارت، معیشت، ثقافت اور علاقائی روابط کے فروغ کے وسیع مواقع موجود ہیں۔صدر زرداری نے کہا کہ خطے میں امن، سلامتی اور خوشحالی کے لیے مل کر کام کرنے کی ضرورت ہے،چین نے ہر مشکل وقت میں پاکستان کا بھرپور ساتھ دیا ہے ، پاکستانی عوام اپنے آہنی بھائی چین کی مستقل حمایت پر شکر گزار ہیں۔صدر نے کہا کہ چین پاکستان کی سماجی و اقتصادی ترقی میں کلیدی کردار ادا کر رہا ہے۔
اہم خبریں سے مزید