• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مری کی خوبصورتی کو مزید نکھارنے کیلئے بیوٹیفیکیشن کے خصوصی اقدامات

میرا شہر
اسلام آباد
26 جولائی ، 2025
راولپنڈی(خبر نگار خصوصی)پارکس اینڈ ہارٹیکلچر اتھارٹی راولپنڈی کی جانب سے ڈی جی پی ایچ اے احمد حسن رانجھا کی خصوصی ہدایات پر سیاحوں کی تفریحی سہولیات کو بہتر بنانے اور مری شہر کی خوبصورتی کو مزید نکھارنے کے حوالے سے بیوٹیفیکیشن کے خصوصی اقدامات کئے گئے ہیں اوراس حوالے سے مختلف منصوبے مکمل کر لئے گئے ہیں۔لوئر ٹوپہ پارک میں شاندار سجاوٹ اور ہارٹیکلچر کا کام سرانجام دیا گیا ہےجس سے پارک کی خوبصورتی میں اضافہ ہوا ہے،اس کے ساتھ ساتھ 7 سٹنگ سپاٹس پر بھی دلکش سجاوٹ کا کام سرانجام دیا گیا ہے جو سیاحوں کی توجہ کا مرکز بنا ہوا ہے۔پی ایچ اے راولپنڈی کی جانب سے اپر جھیکا گلی،ویو فورتھ روڈ،گورنمنٹ ہاوس روڈ پر خوبصورت پھولوں،پودوں سے شاندار سجاوٹ کی گئی ہے جو ملکہ کوہسار مری کے حسین نظاروں کو دوبالا کرتی ہے۔اس کے علاوہ کلڈنہ میں سجاوٹ کے لئے جگہ جگہ رکھے گئے پلانٹرز بھی مری کی شان و شوکت میں اضافہ کر رہے ہیں،مری کے روڈوں کی گرین بیلٹس پر خوبصورت پھولوں کی بہار نظر آ رہی ہے،جس سے ایک دلفریب منظر دیکھنے کو ملتا ہے،دلکش پلانٹرز کی تنصیب، سجاوٹ،دیواروں پر خوبصورت ڈیزائن کی کشیدہ کاری کی گئی ہے جبکہ ہارٹیکلچر کے حوالے سے بھی شاندار اقدامات کئے گئے ہیں۔ڈائریکٹر جنرل پارکس اینڈ ہارٹیکلچر اتھارٹی (پی ایچ اے)راولپنڈی احمد حسن رانجھا نے مری شہر کی سجاوٹ اور پھولوں کی تزین وآرائش کےبارے میں متعلقہ عملے کو صفائی،سجاوٹ اور ہارٹیکلچر کے کام میں مزید نکھار لانے کے لئے خصوصی ہدایت بھی دیں۔
اسلام آباد سے مزید