• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زیادتی و قتل کے واقعات کے خاتمہ کیلئے فوری اقدامات اٹھائے جائیں،علماء مشائخ

میرا شہر
اسلام آباد
26 جولائی ، 2025
اسلام آ باد ( نیوز رپورٹر) تمام مکاتب فکر کے علماء و مشائخ ، پاکستان علماء کونسل اور دارالافتاء پاکستان نے وزیر اعظم پاکستان میاں شہباز شریف اور چیف جسٹس آف پاکستان سے اپیل کی ہے کہ غیرت کے نام پر قتل اور مسلسل بچوں اور بچیوں کے ساتھ ہونے والے زیادتی کے واقعات کے خاتمہ کیلئے فوری اقدامات اٹھائے جائیں ۔وزیر اعظم پاکستان میاں شہباز شریف اور چیف جسٹس یحییٰ آفریدی اس کا نوٹس لیں اور اس طرح کے سفاکانہ واقعات کیلئے اسپیڈی ٹرائل کا حکم دیا جائے اور مجرمین کو جلد از جلد سزا دی جائے ۔ چیئرمین پاکستان علماء کونسل و صدر دارالافتاء پاکستان حافظ محمد طاہر محمود اشرفی ، علامہ سید ضیاء اللہ شاہ بخاری ، مولانا مفتی محمد عمر فاروق، مفتی نصر اللہ ، علامہ طاہر الحسن، مولانا نعمان حاشر، مولانا ابو بکر حمید صابری، مولانا محمد اسلم صدیقی ، مولانا طاہر عقیل اعوان، مولانا اسد اللہ فاروق، مولانا عزیز اکبر قاسمی ، مولانا انوار الحق مجاہد، مولانا زبیر کھٹانہ، مولانا محمد اشفا ق پتافی اور دیگر نے ایک مشترکہ بیان میں کہا ہے کہ گذشتہ ایک ہفتہ کے دوران بچوں اور بچیوں کے حوالے سے زیادتی کے واقعات ، غیر ت کے نام پر بلوچستان اور راولپنڈی میں قتل ، فیصل آباد میں شادی سے انکار پر قتل یہ سب نا قابل قبول واقعات ہیں افسوس کہ پاکستان میں ہوئے ہیں۔
اسلام آباد سے مزید