• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چینی ایکسپورٹرز اور ڈیلرز کیخلاف تحقیقات کا آغاز

آج کا اخبار
اہم خبریں
27 جولائی ، 2025
کراچی (مانیٹرنگ ڈیسک) وفاقی حکومت نے چینی کے ایکسپورٹرز اور ڈیلرز کیخلاف تحقیقات کا آغاز کردیا ۔ذرائع وزارت پیداوار کے مطابق حکومتی معاہدے کے بعد بھی شوگر ملز مالکان اور ڈیلرز کی طرف سے چینی کی قیمتوں میں کمی ممکن نہیں ہوسکی جس پر وفاقی حکومت ناراض ہے۔ جیو نیوز کے مطابق ذرائع نے بتایا کہ  پہلے مرحلے میں شوگر ڈیلرز کے نام ای سی ایل میں ڈالے جارہے ہیں۔ ذرائع کے مطابق دسمبر میں چینی ایکسپورٹ کرنے والے ملز مالکان، ڈیلرز اور بیوروکریٹس سے باز پرس کی جائے گی اورذمہ داران کا تعین کیا جائیگا۔ ذرائع وزارت پیداوار کا کہنا ہے کہ متعلقہ بیوروکریٹس سے بھی تفتیش کی جائیگی، ان اقدامات کا مقصد چینی کی قیمتوں اورسپلائی میں استحکام لانا ہے۔ ذرائع کےمطابق چینی 170 روپے کے لگ بھگ قیمت یقینی بنائی جائے گی تاکہ عوام سکھ کا سانس لیں۔دوسری جانب ملک میں چینی کی سب سے بڑی تھوک منڈی ’’اکبری مارکیٹ‘‘ سے چینی غائب ہوگئی اور چینی کا نیا بحران سر پر منڈلانے لگا۔
اہم خبریں سے مزید