• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی اسلام آباد میں کروڑوں روپے کی 85 وارداتیں

اسلام آباد (ایوب ناصر ، خصوصی نامہ نگار) راولپنڈی اسلام آباد میں ڈکیتی ،سرقہ بالجبر ، نقب زنی اور چوری کی 85 وارداتوں میں کروڑوں روپے مالیت کے زیورات ، نقدی اور دیگر قیمتی سامان کے علاؤہ ایک کار ،ایک رکشہ ، 24 موٹر سائیکل ، 40 موبائل فونز اڑا لئے گئے، تین موٹر سائیکل 14 موبائل فونز اور لاکھوں کی نقدی اسلحہ کی نوک پر جبکہ 14 موبائل فونز جھپٹا مار کر چھین لئے گئے، جڑواں شہروں میں 20 گھروں کے تالے ٹوٹ گئے اور چور 12 موبائل فون 3 لیپ ٹاپ سمیت 45 لاکھ سے زیادہ مالیت کا دیگر سامان چوری کر کے چلتے بنے پولیس نے مقدمات درج کر کے تفتیش شروع کردی ہے ۔