فرمان الہی
نماز کے اوقات
کراچی(اسٹاف رپورٹر) ایشین کرکٹ کونسل نے آئندہ ماہ ایشیا کپ کے میچ بھارت کی میزبانی میں متحدہ عرب امارات کے شہروں دبئی اور شیخ زائد اسٹیڈیم ابوظبی میں کرانے کا اعلان کیا ہے اس سے قبل ٹورنامنٹ کے شیڈول کا اعلان کیا گیا تھا۔ہفتے کو اے سی سی کے صدر محسن نقوی نے میچوں کے وینیوز اور اوقات کار کا اعلان کردیا ۔محسن نقوی نے سوشل میڈیا پر اعلان کیا کہ ایشیا کپ کے میچوں کے دوران تماشائیوں سے بھرے اسٹیڈیم دیکھنے کے منتظر ہیں،سنسنی خیز مقابلوں کا بھی شدت سے انتظار ہے ۔ایشیا کپ کے میچ دبئی اور ابوظہبی میں کھیلے جائیں گے پاکستان اور بھارت کو میچ 14 ستمبر کو دبئی میں کھیلا جائے گا،تمام میچ پاکستانی وقت کے مطابق شام سات بجے شروع ہوں گے۔ ایشیا کپ کا فائنل 28 ستمبر کو دبئی میں کھیلا جائے گا۔ایشیا کپ کا آغاز نو ستمبر سے ہو گا۔سپر فور میں ممکنہ طور پر پاکستان اور بھارت کا میچ 21 ستمبر کو دبئی میں ہو گا۔ٹورنامنٹ کے گروپ اے میں بھارت، پاکستان ،متحدہ عرب امارات اور عمان شامل ہیں گروپ بی میں بنگلہ دیش سری لنکا افغانستان ہانگ کانگ شامل ہیں۔گروپ اسٹیج میں پاکستان 12 ستمبر کو عمان کے خلاف دبئی میں کھیلے گا پاکستان 17 ستمبر کو متحدہ عرب اماراتکے خلاف دبئی میں میچ کھیلے گا.سپر فور کے 5 میچ دبئی جبکہ ایک میچ ابوظہبی میں ہو ں گے۔ ایشیا کپ کرکٹ ٹورنامنٹ کی تیاریوں کے سلسلے میں 29اگست سے تین قومی کرکٹ ٹورنامنٹ شارجہ اسٹیڈیم میں شروع ہوگا۔شارجہ میں ایشیا کپ کا کوئی میچ نہیں ہوگا۔پاکستان نے افغانستان کے خلاف تین ٹی ٹوئینٹی میچوں کی سیریز کو تین قومی ٹورنامنٹ میں تبدیل کردیا ہے۔ہر ٹیم ٹورنامنٹ کے راؤنڈ رابن مرحلے میں ایک دوسرے سے دو بار کھیلے گی، جس میں سرفہرست دو ٹیمیں فائنل میں حصہ لیں گی۔ تمام میچ پاکستانی وقت کے مطابق رات 8بجے سے کھیلے جائیں گے۔اس وقت پاکستان آئی سی سی کی درجہ بندی میں نمبر 8 پر ہے، افغانستان 9ویں نمبر پر اور متحدہ عرب امارات 14 نمبر پر ہے۔پاکستان ایشیا کپ کا اپنا پہلا میچ 12 ستمبر کو عمان کے خلاف کھیلا ہے۔ افغانستان نے گزشتہ سال کے آخر میں زمبابوے میں اپنی دو طرفہ سیریز کے بعد سے کوئی ٹی ٹوئینٹی نہیں کھیلا ہے، اور ایشیا کپ کا اپنا پہلا میچ 9 ستمبر کو ہانگ کانگ کے خلاف کھیلے گا۔دونوں ٹیموں نے 2026 میں ہونے والے ٹی ٹوئینٹی ورلڈ کپ کے لیے براہ راست کوالیفائی کیاہے، جو فروری مارچ میںبھارت اور سری لنکا میں کھیلا جائے گا - افغانستان پچھلےٹی ٹوئینٹی ورلڈ کپ میں ٹاپ سیون ٹیموں میں سے ایک (میزبان کو چھوڑ کر) شامل ہے اور پاکستان 30 جون 2024 کی کٹ آف تاریخ پر آئی سی سی ٹیبل پر اپنی درجہ بندی کی بنیاد پر ٹی ٹوئینٹی ورلڈ کپ کھیلے گا ۔امارات نے ابھی تک ورلڈ کپ میں کوالی فائی نہیں کیا ہے۔
