• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اے این ایف، 11ملزم گرفتار 2کروڑروپے سے زائد مالیت کی منشیات برآمد

میرا شہر
اسلام آباد
03 اگست ، 2025
راولپنڈی (سٹاف رپورٹر) اے این ایف نے مختلف کارروائیوں میں 11 ملزموں کو گرفتار کرکے 2 کروڑ 15 لاکھ روپے سے زیادہ مالیت کی 107 کلوگرام منشیات برآمد کرلی ،اسلام آباد میں ترنول کے قریب ٹرک سے 25 کلو افیون اور 22 کلو 800گرام چرس برآمد ہوئی ،اسلام آباد موٹروے ٹول پلازہ کے قریب بس میں سوار مسافر کے قبضے سے 2 کلو آئس برآمد کرکے اسے گرفتار کرلیاگیا،اسلام آباد موٹروے ٹول پلازہ کے قریب ایک اور کارروائی کے دوران ملزم کے بیگ سے ایک کلو 808گرام ہیروئن برآمد کرکے اے این ایف نے ایک ملزم گرفتار کرلیا،چکلالہ گیریژن راولپنڈی میں واقع کوریئر آفس سے برطانیہ سے راولپنڈی آنے والے پارسل سے 84 گرام مائع بھنگ برآمد کرکے ایک ملزم گرفتار کرلیاگیا،ہڑپہ ٹول پلازہ ساہیوال کے قریب گاڑی سے 4 کلو افیون، 2 کلو چرس اور 500 گرام آئس برآمد کرکے 3 ملزموں کو گرفتار کیاگیا،پشین کے علاقہ سرانان روڈ پر گاڑی سے 45 کلو افیون برآمد کرکے ایک ملزم کو گرفتار کرلیاگیا، انڈس ہائی وے کوہاٹ کے قریب موٹر سائیکل سوار کے قبضے سے 2 کلو افیون برآمدکرکے ملزم کوگرفتار کرلیاگیا، رنگ روڑ پشاور کے قریب گاڑی سے ایک کلو300 ہیروئن برآمد کرکے کارسوار ملزم گرفتار کرلیاگیا،اٹک میں برہان ٹول پلازہ کے قریب بس میں سوار مسافر کے قبضے سے 710 گرام افیون برآمد ہونے پر ملزم کوگرفتار کیاگیا۔
اسلام آباد سے مزید