فرمان الہی
نماز کے اوقات
پشاور (جنگ نیوز)پاکستان تحریک انصاف (پی ٹی آئی) کے بانی عمران خان نے کہا ہے کہ گنڈاپور صوبے میں امن قائم نہیں کرسکتے تو انہیں استعفیٰ دے دینا چاہئے، میرے بچے ملاقات کیلئے آنا چاہئیں تو ضرور آئیں، احتجاج کا حصہ نہ بنیں، علیمہ خان کو سیاسی بات نہیں کرنی چاہیے، ذرائع کے مطابق عمران خان کیکی جیل میں سہولیات بحال کردی گئی ہیں۔ذرائع کے مطابق بانی پی ٹی آئی کی کتابیں اور اخبار بھی بحال کردیےگئے۔ ذرائع نے بتایاکہبانی پی ٹی آئی کی گزشتہ روز بچوں سے ایک گھنٹہ فون پربات بھی کرائی گئی، بانی پی ٹی آئی نے کہا ان کے بچے اگر ملاقات کیلئے آنا چاہتے ہیں تو ضرور آئیں۔ ذرائع کا کہنا ہے کہ بانی پی ٹی آئی نے کہا گزشتہ روز فون پر بات کرکے معلوم ہوا بچوں کا نائیکوپ ایکسپائر ہوا ہے، میں نےکبھی نہیں کہا میرے بچےاحتجاجی تحریک کیلئے پاکستان آئیں گے۔ذرائع کے مطابق عمران خان نے مشال یوسفزئی کے سینیٹر بننے پر علیمہ خان کے بیان کو غیر ضروری قرار دیا اور کہاکہ علیمہ خان کو سیاسی بات نہیں کرنی چاہیے۔ذرائع نے مزید بتایاکہ بانی پی ٹی آئی نےکہا علی امین گنڈا پور اگر صوبےمیں امن و امان قائم نہیں کرسکتے تو استعفیٰ دے دینا چاہیے، علی امین گنڈا پور اگر گورننس کے مسائل حل نہیں کرسکتا تو کسی اور کو موقع دینا چاہیے۔
