• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بانی کے بچوں کا نائیکوپ گم ہوگیا، عمران نے پاکستان آنے سے نہیں روکا، علیمہ خان

آج کا اخبار
اہم خبریں
03 اگست ، 2025
راولپنڈی (نمائندہ جنگ) علیمہ خان نے کہا ہےکہ بانی کے بچوں کا نائیکوپ گم ہو گیا، عمران نے پاکستان آنے سے نہیں روکا، عمران نے بیٹوں کے نائیکوپ اورویزے کے لئے درخواست دی ہے، سفارت خانے کے بیان پر حیرانی ہوئی، ہم اپنے بھائی کی رہائی کی کوشش کررہے ہیں، ہم تحریک کا حصہ ضرور بنیں گے،بانی پی ٹی آئی کے بچوں کے پاس نائیکوپ تھا جو گم ہو گیا، انہوں نے نائیکوپ اور ویزے کے لیے درخواست دی ، ہفتہ کو اڈیالہ جیل کے باہر میڈیا سے بات چیت کرتے ہوئے بانی پی ٹی آئی کی ہمشیرہ کاکہناتھا کہ تحریک کے لئے لوگوں نے خود فیصلہ کرنا ہے، ہم اپنے بھائی کی رہائی کی کوشش کررہے ہیں، ہم تحریک کا حصہ ضرور بنیں گے ہمیں گرفتار کرنا ہے تو کر لیں،ان کاکہناتھاکہ تحریک بچوں سے منسوب نہیں تحریک رہائی تک چلنی ہے۔ عمران خان نے اپنے بچوں کو پاکستان آنے سے نہیں روکا، بچوں کے نائیکوپ اور ویزے کے لیے درخواست دی گئی ہے حیرانی ہے سفارت خانے والے کہہ رہے ہیں درخواست نہیں دی ،علیمہ خان نے کہاکہ بچوں نے جو درخواست دی ہے میرے پاس اس کا ٹریکنگ نمبر ہے،انہوں نے کہا اس حوالے سے ایک دوست نے سفیر کو فون کیا تو اس نے کہا کہ وزارت داخلہ سے اجازت لینی ہے، لیکن اب کل خبر آئی ہے کہ وزارت داخلہ نے نہیں وزارت خارجہ نے ویزا دینا ہے، اب سفیر صاحب کسی بات کا جواب نہیں دے رہے، ایمرجنسی میں تو ایک گھنٹے میں ویزا لگتا ہے، ایک صحافی نے علیمہ خان سے سوال کیا کہ مشعال یوسف زئی سینیٹر بن گئی ہیں آپ تو اُن کے خلاف تھیں،اس پر علیمہ خان نے جواب دیا کہ انصاف ہونا چاہیے تھا ، میں ایسے لوگوں پر بات کرکے اپنا وقت ضائع نہیں کرنا چاہتی، سینیٹرز کا انتخاب میرٹ پر ہونا چاہیے تھا، میرٹ کی بات ہو تو مشعال کے علاوہ اور بہت لوگ کوالیفائی کرتے ہیں۔
اہم خبریں سے مزید