فرمان الہی
نماز کے اوقات
کراچی(اسٹاف رپورٹر) پاکستان ہاکی فیڈریشن کے صدر طارق بگٹی نے کہا ہے کہ پروہاکی لیگ کے لیے 35کروڑ روپے کا بجٹ بنا کر بھیجا ہے ۔ پروہاکی لیگ سمیت سال بھر کے دیگر ایونٹس کے لیے 70کروڑ روپے درکار ہوں گے ایشیا کپ کے لیے بھارت جانے کا فیصلہ حکومت نے کرنا ہے۔ ہم اس کے مطابق چلیں گے ، ایف آئی ایچ سے پرولیگ میں شرکت کے فیصلے کے لیے وقت مانگ لیا ۔پرولیگ کے حوالے حکومت سے بات چیت جاری ہے جلد اچھی خبر آ ئے گی۔ پیر کو لاہور میں میڈیا سے بات چیت میں انہوں نے کہا کہ ایف آئی ایچ نے 12 اگست تک بتانے کی ڈیڈ لائن دی تھی، 20 اگست تک ڈیڈ لائن بڑھانے کی درخواست کی ہے ۔ ہمارے بھارت میں کھیلنے کے حوالے سے خدشات پائے جاتے ہیں، ہم چاہتے ہیں کہ پہلے ہمارا وفد بھارت جائے اور وہ وہاں کے حالات دیکھے اور پھر ہم کوئی فیصلہ کریں ۔ کرکٹ میں نیوٹرل وینیو کی مثال ہے ہاکی میں ایسا نہیں ہے ہم اپنے تحفظات کے حوالے سے اے ایچ ایف کو آگاہ کر رہے ہیں ۔ ہم بھارتی میڈیا سے پاکستان ٹیم کو ملنے والی دھمکیوں کا سن رہے ہیں ۔ صدر سیکریٹری کے اختلافات تو ہم پہلے دن سے سن رہے ہیں ہم سے کوئی کہیں نہیں جا رہا ۔
