• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انفارمیشن کمیشن کی تقرری کے خلاف چیف سیکریٹری و دیگر سے جواب طلب

آج کا اخبار
ملک بھر سے
05 اگست ، 2025
کراچی (اسٹاف رپورٹر ) سندھ ہائی کورٹ نے سندھ انفارمیشن کمیشن کی تقرری کے خلاف درخواست پر فریقین سے ایک ہفتے میں جواب طلب کرلیا۔ جسٹس فیصل کمال عالم کی سربراہی دو رکنی بینچ کے روبرو سندھ انفارمیشن کمیشن کی تقرری کے خلاف درخواست کی سماعت ہوئی۔ درخواست گزار عامر بلوچ نے درخواست میں چیف سیکریٹری سندھ، سیکرٹری محکمہ انفارمیشن، چیف کمشنر انفارمیشن کمیشن اور محمد سلیم خان کو فریق بناتے ہوئے موقف اختیار کیا ہے کہ حکومت سندھ نے محمد سلیم خان کی تقرری میں قانونی تقاضے پورے نہیں کئے۔ انفارمیشن کمیشن کی تقرری شفافیت سے متعلق 2016کے ایکٹ کی خلاف ورزی ہے۔ درخواست عوامی مفاد میں دائر کی گئی ہے۔ محمد سلیم خان کی تقرری کو غیر آئینی و غیر قانونی قرار دے کر انفارمیشن کمیشن کی تقرری سے متعلق 23جولائی کا نوٹیفکیشن منسوخ کرنے کا حکم دیا جائے۔ عدالت نے فریقین سے ایک ہفتے میں جواب طلب کرلیا۔
ملک بھر سے سے مزید