• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان ریلوے کی 13122 ایکڑ غیر قانونی قبضے میں، حنیف عباسی کا انکشاف

آج کا اخبار
اہم خبریں
06 اگست ، 2025
اسلام آ باد ( رانا غلام قادر ) پاکستان ریلوے نے گزشتہ تین سالوں میں ریلوے کی زمین لیز اور لا ئسنس پر دینے سے 13ارب93کروڑ چار لاکھ روپے کا ریونیو حاصل کیا۔ ریلوے کی کل اراضی 168858یکڑ ہے جس میں سے 13122ایکڑ غیر قانو نی قبضے میں ہےجو تقر یبا ً سات اعشاریہ سات فی صد بنتا ہے۔ یہ انکشاف وزیر ریلوے حنیف عبا سی نے قومی اسمبلی میں ایک سول کے تحر یری جواب میں کیا۔ انہوں نے بتایا کہ قبضہ شدہ اراضی میں سے پنجاب میں 5717ایکڑ۔ سندھ میں 5590ایکڑ۔ بلوچستان میں1033اور خیبر پختونخوا میں 775ایکڑ اراضی شامل ہے۔ انہوں نے بتایا کہ پاکستان ریلوے نے صو بوں کے تعاون سے تجاوزات کے خلاف مہم شروع کی ہوئی ہے۔ انہوں نے بتایا کہ ریلوے اراضی کے تمام ریکارڈ کو ڈیجیٹائز اور جیو ریفر نس کیا گیا ہے۔ انہوں نے کہا کہ سر کاری محکموں نے بھی ریلوے اراضی پر قبضہ کیا ہوا ہےجسے ریلوے ارضی لیزپالیسی کے تحت لی زکے ذ ریعے با قاعدہ بنایا جا رہا ہے۔
اہم خبریں سے مزید