اسلام آ باد ( رانا غلام قادر ) گورنمنٹ سکیم کے تحت پہلے دو دونوں میں عازمین حج سے موصول ہونے والی تصدیق شدہ درخواستوں کی تعداد 20075 ہوگئی ہے۔درخواستوں اور واجباتِ کی وصولی کا آغاز4 اگست کو ہواتھا۔ نامزد بینکوں اور آن لائن پورٹل کے ذریعے حج درخواستیں جمع کروانے کی سہولت موجود ہے۔پہلے آئیے پہلے پائیے کی بنیاد پر رجسٹرڈ افراد سے پہلی قسط 4 تا 9 اگست وصول کی جائے گی۔نشستیں دستیاب ہونے پر 11 تا 16 اگست نئے عازمین حج بھی اپلائی کر سکیں گے،نشستیں مکمل ہوتے ہی حج واجبات کی وصولی روک دی جائے گی۔