فرمان الہی
نماز کے اوقات
کراچی (اسٹاف رپورٹر) ویسٹ انڈیز کرکٹ بورڈ نے شے ہوپ کی قیادت میں پاکستان کے خلاف تین میچوں کی ون ڈے سیریز کیلئے ٹیم کا اعلان کردیا ہے۔ ہیڈ کوچ ڈیرین سیمی نے کہا کہ سیریز چیلنجنگ ہوگی، ورلڈ کپ کیلئے کوالیفائی کرنا ہدف ہے۔ دو بار کی سابق عالمی چیمپئن نے2023 ورلڈ کپ کیلئے کوالی فائی نہیں کیا تھا۔ فاسٹ بولر الزاری جوزف کو آرام کی غرض سے باہر کردیا گیا ہے۔ آل راؤنڈر روماریو شیفرڈ کی واپسی ہوئی ہے۔ دیگر کھلاڑیوں میں جیوئل اینڈریو، کیسی کارٹی، جیڈیا بلیڈز، روسٹن چیز، میتھیو فورڈ ، جسٹن گریوز، عامر جانگو، شمار جوزف، برینڈن کین، ایون لوئس، گوڈاکیش موتی، شرفین ردرفورڈ، جیڈن سیلز، روماریو شیفرڈ شامل ہیں ۔ ون ڈے سیریز کا آغاز جمعہ سے ہوگا ۔ پاکستان نے ویسٹ انڈیز کو ٹی 20 سیریز میں دو ایک سے ہرایا تھا۔
