فرمان الہی
نماز کے اوقات
ٹراوبا(جنگ نیوز) قومی فاسٹ باؤلر محمد عباس نے پاکستان کو انٹرنیشنل کرکٹ کونسل کی جانب سے کم ٹیسٹ میچز ملنے پر شکوہ کرتے ہوئے کہا ہے کہ ریڈ بال کرکٹ میں قومی ٹیم کی پیشرفت اور تسلسل کے لیے باقاعدہ اور زیادہ میچز کا انعقاد انتہائی ضروری ہے۔ ویسٹ انڈیز کے خلاف سیریز کے دوران میڈیا سے گفتگو کرتے ہوئے تجربہ کار پیسر نے آئی سی سی سے پرزور مطالبہ کیا کہ پاکستان کو ٹیسٹ شیڈول میں زیادہ سے زیادہ میچز دیے جائیں۔ انہوں نے وضاحت کی کہ محض دو یا تین ٹیسٹ کی سیریز کھیلنے کے بعد چھ چھ ماہ کا طویل وقفہ آنے سے کھلاڑیوں کے لیے مختلف کنڈیشنز سے آہنگ ہونا اور اپنا ردھم برقرار رکھنا انتہائی دشوار ہو جاتا ہے۔ عباس کے مطابق جب تک کھلاڑیوں کو مسلسل ریڈ بال کرکٹ کھیلنے کا موقع نہیں ملے گا اور وہ اس فارمیٹ کی سختیوں کے عادی نہیں ہوں گے، ٹیم کی کارکردگی میں درکار بہتری لانا اور عالمی سطح پر نتائج حاصل کرنا ممکن نہیں ہو سکے گا۔
