فرمان الہی
نماز کے اوقات
کراچی (اسٹاف رپورٹر) انگلینڈ کرکٹ بورڈ کے چیئرمین رچرڈ تھامپسن نے دو درجاتی ٹیسٹ کرکٹ کی مخالفت کی، ان کا کہنا ہے کہ ابھی دو درجاتی سسٹم سمیت بہت سارے آپشنز ہیں جنہیں دیکھنا ہے۔ ہم نہیں چاہیں گے کہ انگلینڈ ڈویژن ٹو میں جائے اور وہاں ہم آسٹریلیا اور بھارت سے نہ کھیلیں، ایسا کبھی نہیں ہو گا، ورلڈ ٹیسٹ چیمپئن شپ میں کچھ تبدیلیاں کرکے بہتر بنایاجائے تو شاید ٹیسٹ کرکٹ کو دو درجوں میں تقسیم کرنے کی ضرورت نہ پڑے۔ ساتھ ہی شیڈول میں وائٹ اور ریڈ بال کرکٹ کی دوطرفہ سیریز کی تعداد کا خیال رکھا جائے۔ دوسری جانب کرکٹ آسٹریلیا کے سی ای او ٹوڈ گرین برگ نے دو درجاتی کرکٹ کی مشروط حمایت کرتے ہوئے کہا کہ ابھی حقیقی چیلنج یہ ہے کہ ٹیسٹ کرکٹ میں ہم کیا رول ادا کر رہے ہیں۔ ویسٹ انڈیز، نیوزی لینڈ، جنوبی افریقہ اور پاکستان سمیت ان ممالک کا مضبوط ہونا ہمارے مفاد میں ہے، اگر سسٹم انہیں مضبوط بنانے میں مدد کرے گا تو میں حمایت کروں گا۔
