• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جیو ٹی وی پر ایک بار پھر، دنیا کا سب سے بڑا میوزک مستی مقابلہ، ’’پاکستان آئیڈل‘‘

آج کا اخبار
اہم خبریں
08 اگست ، 2025
کراچی (جنگ نیوز) جیو ٹی وی کی روایت ہے کہ پاکستان بھر میں اپنے ناظرین کے لئے ہمیشہ ہی شاہکار پراجکٹس پیش کرتا رہا ہے ، جن میں لیجنڈ آف مولا جٹ، پرائس از رائٹ، ڈونکی کنگ، گلاس ورکر، انعام گھر، طیفا ان ٹربل اور پاکستان آئڈل جیسے یاد گار پراجکٹس شامل ہیں۔ اس مرتبہ بھی، جیو اپنے ناظرین کے جوش اور پسند کو مد نظر رکھتے ہوئے ایک بار پھر لا رہا ہے دنیا کا سب سے بڑا میوزک مستی مقابلہ۔۔۔ پاکستان آئڈل۔جوایم ایچ ایل کی پیشکش ہے۔ یاد رہے، فری منٹل کی ملکیت، آئڈل، فرنچائز ٹیلے وژن کے سب سے کامیاب اور دلوں کو چھو جانے والے فارمیٹس میں سے ایک ہے جو اب ایک ایسی جانی مانی حقیقت بن چکا ہے جو ایک سو پچاس سے زائد ممالک میں مقبولیت کے جھنڈے گاڑ چکا ہے ، اب تک جس کے پچپن مقامی ورژن بھی بن چکے ہیں اور جو اب تک چھ ارب سے زائد ووٹ حاصل کرچکا ہے۔اس سلسلے میں ایم ایچ ایل گلوبل کی ڈائرکٹر زویا مرچنٹ کا کہنا ہے کہ پاکستان میں موسیقی سے بے پناہ لگاؤ رکھنے والے باصلاحیت افراد کی کوئی کمی نہیں اور یہ ایک ایسا پلیٹ فارم ہے جو انہیں نہ صرف قومی بلکہ بین الاقوامی سطح پر بھی متعارف کروائے گا۔
اہم خبریں سے مزید