فرمان الہی
نماز کے اوقات
کراچی (اسٹاف رپورٹر) ٹرینیڈاڈ میں جمعے کو ویسٹ انڈیز کے خلاف ون ڈے سیریز کے آغاز سے قبل پاکستان ٹیم کے کھلاڑیوں نے نئی جرسی میں آفیشل فوٹو شوٹ کرایا ۔ دریں اثنا بابراعظم ایک روزہ کرکٹ میں لیجنڈری اوپنر سعید انور کا پاکستان کیلئے سب سے زیادہ سنچریوں کا ریکارڈ توڑنے کے قریب ہیں۔ سعید انور نے 247 میچز اور 244 اننگز میں 20 سنچریاں بنائی تھیں، جبکہ بابراعظم اب تک 131 میچز اور 128 اننگز میں 19 سنچریاں اسکور کرچکے ہیں۔ بابراعظم نہ صرف سعید انور کا ریکارڈ توڑنے کے قریب ہیں بلکہ وہ ون ڈے کرکٹ کی تاریخ میں 20 سنچریاں بنانے والے دوسرے تیز ترین کھلاڑی بھی بن سکتے ہیں۔ اگر وہ اگلی چار اننگز میں ایک اور سنچری اسکور کر لیتے ہیں تو وہ بھارتی اسٹار ویرات کوہلی کو پیچھے چھوڑ دیں گے، جنہوں نے 133 اننگز میں یہ سنگ میل عبور کیا تھا۔
