فرمان الہی
نماز کے اوقات
کراچی (جنگ نیوز) جیولین تھرور ارشد ندیم کے پاکستان کے لیے اولمپک مقابلوں میں تاریخ رقم کیے ہوئے ایک برس مکمل ہوگیا۔ارشد ندیم نے 8 اگست 2024 کو پیرس اولمپکس میں92.97 میٹر تھرو کے ریکارڈ کے ساتھ اولمپک گولڈمیڈل جیتا تھا ، وہ مزید کامیابیوں کیلئے پرعزم ہیں۔ پاکستان نے ارشد ندیم کی بدولت 40برسوں کے بعد اولمپک مقابلوں میں گولڈ میڈل جیتا جبکہ ارشد ندیم نے پاکستان کی جانب سے پہلی مرتبہ انفرادی اولمپک گولڈ میڈل جیتنے کا بھی اعزاز حاصل کیا۔اس موقع پر اولمپک گولڈ میڈلسٹ ارشد ندیم کا کہنا ہے کہ پیرس اولمپکس میں میڈل جیتنے کے لیے میں بہت پر عزم تھا، پوری دنیا میں پاکستان کا نام روشن کرنے پر بہت عزت ملی۔ جس پر میں سب کا شکریہ ادا کرتا ہوں۔ ورلڈ ایتھلیٹکس چیمپئن شپ کی تیاری کررہا ہوں، میں پُرعزم رہوں گا کہ میں نے اولمپکس 2028 کے لیے بھی بھرپور تیاری کرنا ہے لیکن اس وقت میرا ہدف ورلڈ ایتھلیٹکس چیمپئن شپ ہے۔
