فرمان الہی
نماز کے اوقات
کراچی ( اسٹاف رپورٹر) وزیراعلیٰ سندھ سید مراد علی شاہ نے کہا ہے کہ یوم آزادی فخر ہے، شکر گزاری اور یکجہتی کا پیغام دیتا ہے۔ انہوں نے 78 ویں یومِ آزادی خصوصی بچوں کے ساتھ منایا، جو قائداعظم ہاؤس میوزیم اور بانیٔ پاکستان قائداعظم محمد علی جناح کے مزار پر منعقد ہوئیں، انہوں نے بچوں کے ساتھ ملی نغمے گائے اور کیک کاٹا۔ دونوں تقریبات، "معرکہ حق" کے عنوان کے تحت، شمولیت، اتحاد اور قومی فخر کا پیغام دیتی رہیں۔دن کا آغاز قائداعظم ہاؤس میوزیم میں ہوا جہاں محکمہ ثقافت نے ایک پُررونق پروگرام کا انعقاد کیا۔ اسکینوسا، سی آرٹس، دارالسکون اور امیدِ نو جیسے اداروں سے سو سے زائد بچوں نے شرکت کی۔ تقریب میں پرچم کشائی، ملی نغمے اور سندھی، پنجابی، بلوچی اور پشتو زبانوں میں ثقافتی پروگرام شامل تھے۔وزیراعلیٰ سندھ، صوبائی وزیر ثقافت سید ذوالفقار علی شاہ، سیکریٹری محکمہ بااختیاری برائے معذور افراد (ڈی ای پی ڈی) طٰحہ فاروقی اور معروف فنکار جاوید شیخ و ایوب کھوسو کے ہمراہ بچوں کے ساتھ گرمجوشی سے ملے۔
