فرمان الہی
نماز کے اوقات
نئی دہلی (صباح نیوز) بھارت کا دارالحکومت نئی دہلی ہفتے کی صبح مسلسل ہونے والی موسلا دھار بارش کے باعث پانی پانی ہو گیا، اہم سڑکیں جھیل کا منظر پیش کرنے لگیں جس سے ٹریفک کا نظام درہم برہم ہو گیا۔نئی دہلی ائرپورٹ ٹریکنگ ویب سائٹ کے مطابق بارش کے باعث دہلی ائرپورٹ سے روانہ ہونے والی 182پروازیں تاخیر کا شکار ہو گئیں جب کہ 30سے زائد آنے والی پروازیں بھی تاخیر کا شکار ہوئیں۔ائرپورٹ انتظامیہ نے مسافروں کو مشورہ دیا ہے کہ وہ دہلی میٹرو جیسے متبادل ذرائع استعمال کریں اور بروقت روانگی کیلئے اپنی ائرلائن سے تازہ ترین اپ ڈیٹ حاصل کریں۔ ائرلائنز نے بھی ہنگامی ایڈوائزری جاری کی ہے۔ انڈی گو نے خبردار کیا کہ بارش کے باعث دہلی کی متعدد سڑکیں بند یا سست روی کا شکار ہیں، مسافر اضافی وقت رکھیں اور ائرپورٹ آنے سے پہلے فلائٹ اسٹیٹس چیک کریں،خراب موسم کے باعث تمام پروازوں کے شیڈول متاثر ہوسکتے ہیں۔محکمہ موسمیات نے دہلی میں گرج چمک کے ساتھ بارش کی وارننگ جاری کی ہے۔ شہر کا زیادہ سے زیادہ درجہ حرارت 33 ڈگری اور 25 ڈگری رہنے کا امکان ہے۔
