فرمان الہی
نماز کے اوقات
اسلام آباد ( رانا غلام قادر/ نیو ز رپورٹر) وزیراعظم محمد شہباز شریف سے پاکستان میں تعینات سعودی عرب کے سفیر نواف بن سعید المالکی کی ملاقات ؛ولی عہدکی جانب سے فیوچر انویسٹمنٹ انیشی ایٹو فورم میں شرکت کی دعوت دیدی ،شہباز شریف نے کانفرنس میں شرکت کی دعوت قبول کر لی اورشہزادہ محمد بن سلمان کا دلی شکریہ ادا کیا ، خادم حرمین شریفین شاہ سلمان بن عبدالعزیز آل سعود اور ولی عہد شہزادہ محمد بن سلمان کے لیے نیک خواہشات کا اظہار کیا ہے ، ادھر وزیراعظم محمد شہباز شریف نے ایک اور وعدہ پورا کر دیا، گلگت بلتستان کے عوام کیلئے بڑا ریلف ، ایکنک نے 100 میگاواٹ سولر فوٹووولیٹک پاور پلانٹ منصوبہ کی منظوری دیدی۔ تفصیلات کے مطابق وزیراعظم محمد شہباز شریف سے پاکستان میں تعینات سعودی عرب کے سفیر نواف بن سعید المالکی نے گزشتہ روز وزیراعظم ہاؤس میں ملاقات کی اور انھیں 27-30 اکتوبر 2025 کو ریاض میں منعقد ہونے والے نویں فیوچر انویسٹمنٹ انیشی ایٹو (FII) فورم میں شرکت کے لیے ہز رائل ہائینس ولی عہد شہزادہ محمد بن سلمان بن عبدالعزیز آل سعود کی جانب سے دستخط شدہ دعوت نامہ پیش کیا۔ کانفرنس میں شرکت کی دعوت قبول کرتے ہوئے، وزیر اعظم نے دعوت نامہ بھیجنے پر ولی عہد شہزادہ محمد بن سلمان کا دلی شکریہ ادا کیا، وزیر اعظم نے خادم حرمین شریفین شاہ سلمان بن عبدالعزیز آل سعود اور ولی عہد شہزادہ محمد بن سلمان کے لیے نیک خواہشات کا اظہار کیا۔ ملاقات کے دوران خطے کی حالیہ پیش رفت پر بھی تبادلہء خیال کیا گیا۔ اس موقع پر نائب وزیر اعظم اور وزیر خارجہ اسحاق ڈار اور وزیر اعظم کے مشیر طارق فاطمی اور ڈاکٹر توقیر شاہ بھی موجود تھے ۔دریں اثنا ء وزیراعظم محمد شہباز شریف نے گلگت بلتستان کی عوام سے کیا گیا ایک اور وعدہ پور اکردیا۔
