فرمان الہی
نماز کے اوقات
اسلام آباد ( نیوز رپورٹر) وزیر اعظم سے بلوچستان کے سیلاب متاثرہ علاقے کے طالبعلم کی ملاقات، آپ نے تیسری پوزیشن حاصل کی تو مجھے بہت فخر محسوس ہوا، شہباز شریف کی اکرام اللہ سے گفتگو وزیر اعظم شہباز شریف نے کہا ہے کہ اکرام اللہ کاکڑ کا خاندان سیلاب سے شدید متاثر تھا ،2022 میں دورہ قلعہ سیف اللہ کے دوران اکرام اللہ سے امدادی خیمے میں ملاقات ہوئی تھی، ملاقات میں اکرام اللہ نے اعلیٰ تعلیم حاصل کرنے کی خواہش کا اظہار کیا تھا اور ان کے تعلیمی اخراجات براداشت کرنے کا اعلان کیا تھا ، آج یہ دیکھ کر خوشی ہے کہ اکرام اللہ محنت سے اپنے اہداف کی طرف گامزن ہے ۔وزیر اعظم نے اتوار کو بلوچستان کے طالب علم اکرام اللہ کاکڑ کا خیرمقدم کیا ، اس موقع پر اکرام اللہ نے کہا کہ پچھلی مرتبہ میں نے آپ سے پوزیشن حاصل کرنے کا وعدہ کیا تھا جو میں نے پورا کیا اور آپ سے ملاقات کیلئے آیا ہوں،میری کامیابی آپ کی مرحون منت ہے ۔ اس موقع پر وزیر اعظم نے اکرام اللہ کو یاد دلایا کے گزشتہ ملاقات میں آپ نے سیاہ رنگ کی شلوار قمیص پہنی ہوئی تھی ، مجھے اچھی طرح یاد ہے کہ اس دن بہت چمکتی دھوپ تھی اور آپ نے کہا تھا کہ ہمارے علاقہ میں کوئی سکول نہیں ، بچوں کو تعلیم کے حصول کیلئے بہت دور جانا پڑتا ہے۔
