• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سی پی او کی زیرصدارت یوم آزادی کے سیکورٹی کے حوالے سے اجلاس

میرا شہر
اسلام آباد
14 اگست ، 2025
راولپنڈی (سٹاف رپورٹر ) سی پی او سید خالد ہمدانی کی زیرصدارت پولیس ہیڈکوارٹرز میں یوم آزادی کے سیکورٹی انتظامات کے حوالے سے میٹنگ کا انعقادکیاگیا،میٹنگ میں ایس ایس پی آپریشنز، ایس ایس پی انوسٹی گیشن، چیف ٹریفک آفیسر، ڈویژنل ایس پیز، ایس پی سی آئی اے، ایس پی سیکورٹی، ڈی ایس پی ہیڈکوارٹرز اور ایس ڈی پی اوز نے شرکت کی، سی پی او خالد محمود ہمدانی نے کہا کہ یوم آزادی کے حوالے سے راولپنڈی پولیس نے فول پروف سیکورٹی انتظامات کئے ہیں ، ساڑھے چار ہزار سے زیادہ افسران سیکورٹی کے لئے فرائض سرانجام دیں گے، جب کہ ٹریفک مینجمنٹ کے لئے 350 سے زیادہ افسران ڈیوٹی سرانجام دیں گے، رش والے اور اہم مقامات کے لئے خصوصی سیکورٹی انتظامات کئے گئے ہیں، ایلیٹ کمانڈوز کے 15 خصوصی سکواڈ زسڑکوں پر گشت کریں گے، ون ویلنگ کی روک تھام کے لئے 50 سے زائد خصوصی پکٹس لگائی گئی ہیں سی پی او کاکہنا تھاکہ سیف سٹی کیمروں سے مانیٹرنگ کی جائے گی، ٹریفک پولیس کا خصوصی سکواڈ بھی ون ویلنگ یا ہلڑ بازی پر کنٹرول کے لئے کام کرے گا، ٹریفک میں خلل، ون ویلنگ، ہلڑبازی کسی صورت برداشت نہیں کی جائیگی، تھانوں کی موبائلز اپنے اپنے علاقوں میں گشت کے فرائض سر انجام دیں گی،ہوائی فائرنگ، آتش بازی، ون ویلنگ یا ہلڑ بازی کے خلاف فوری قانونی کارروائی عمل میں لائی جائے گی۔
اسلام آباد سے مزید