• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شیرپاؤ بستی میں بینک میں کام کرنے والی 26سالہ خاتون سے کریڈٹ کارڈ بنوانے کے بہانے مبینہ زیادتی کا انکشاف

آج کا اخبار
ملک بھر سے
14 اگست ، 2025
کراچی(اسٹاف رپورٹر) بہادر آباد شیرپاؤ بستی میں بینک میں کام کرنے والی 26 سالہ خاتون سے کریڈٹ کارڈ بنوانے کے بہانے مبینہ زیادتی کا انکشاف ہوا ہے۔ واقعہ کا مقدمہ متاثرہ لڑکی کی مدعیت میں بہادر آباد تھانے میں درج کرلیا گیاہے۔ متاثرہ لڑکی نے پولیس کو بیان دیا کہ بینک میں گاڑیاں لیزنگ اور کریڈٹ کارڈ بنانے کا کام کرتی ہوں۔ ملزمان نے کریڈٹ کارڈ بنوانے کے بہانے بلا کر نشانہ بنایا اور ویڈیو بناتے رہے۔7 جولائی کو مہزور نامی شخص نے کریڈٹ کارڈ بنوانے کیلئے رابطہ کیا۔10 اگست کو دھوراجی میں نجی اسپتال کے قریب بلوایا گیا، رات سوا آٹھ کے قریب نجی اسپتال پہنچی تو سامنے والی گلی میں مہزور نامی شخص ایک مکان پر لے گیا، مکان میں پہلے سے ایک مرد اور خاتون موجود تھی ۔مجھے جوس پلایا گیا جس کے بعد وہ نیم بے ہوش ہو گئی، دوسرے آدمی نے بیڈ پر باندھ دیا اور پہلا آدمی زیادتی کرتا رہا۔خاتون کے مطابق ملزمان ایک گھنٹے تک زیادتی کرتے رہے اور ویڈیوز بناتے رہے۔اس شخص نے کہا دوبارہ ملنے آنا ورنہ ویڈیو وائرل کر دوں گا اورمجھ سے کہا میں تمھیں جان سے بھی مار دوں گا۔خاتون نے بتایا کہ مکان سے نکلنے کے بعد رکشے میں سیدھے جناح اسپتال پہنچی۔ پولیس نے بتایاکہ متاثرہ لڑکی پولیس کو واقعے کی اطلاع دیئے بغیراسپتال پہنچ گئی تھی جبکہ تھانہ بھی بہت قریب تھا ، ایم ایل او کی اطلاع پر پولیس اسپتال پہنچی تھی اور پولیس نے اسپتال میں متاثرہ لڑکی کا بیان قلمبند کیا ۔متاثر لڑکی نے بتایا کہ وہ کمیشن پرگاڑیاں لیز کرا کر دیتی ہے،پولیس نے مقدمہ درج کرلیا ہے اورمزید تفتیش کی جا رہی ہے۔
ملک بھر سے سے مزید