فرمان الہی
نماز کے اوقات
واشنگٹن (جنگ نیوز)امریکی وزیر خارجہ مارکو روبیو نے کہاہے کہ واشنگٹن پاکستان کے ساتھ نادر معدنیات کی تلاش اور ہائیڈرو کاربن کے شعبوں میں تعاون بڑھانے کا خواہاں ہے‘ہم اقتصادی تعاون کے نئے شعبے تلاش کرنے کے منتظر ہیںاور متحرک کاروباری شراکت داری کو فروغ دینا چاہتے ہیں‘ انسداد دہشت گردی اور تجارت کے حوالے سے اسلام آباد کی کوششیں قابل تعریف ہیں ۔گزشتہ روز امریکی محکمہ خارجہ کی جانب سے جاری ایک بیان میں وزیر خارجہ مارکوروبیوکا کہنا تھاکہ ہم اقتصادی تعاون کے نئے شعبوں بشمول اہم معدنیات ‘ ہائیڈرو کاربن اور کاروباری شراکت داری کو فروغ دینے کے مواقع کے منتظر ہیں‘ انہوں نے مزید کہاکہ امریکا انسداد دہشت گردی اور تجارت کے شعبوں میں پاکستان کی شمولیت کو سراہتا ہے۔ پاکستان کے وفاقی وزیر تجارت جام کمال نے کہا ہے کہ اسلام آباد امریکی کاروباری اداروں کو بلوچستان میں مقامی کمپنیوں کے ساتھ مشترکہ منصوبوں کے ذریعے کان کنی کے منصوبوں میں سرمایہ کاری کے مواقع فراہم کرے گا اور لیز گرانٹ جیسی مراعات بھی دے گا۔
