فرمان الہی
نماز کے اوقات
کراچی (اسٹاف رپورٹر) آسٹریلیا میں پاکستان شاہینز نے ٹاپ اینڈ ٹی ٹوئنٹی سیریز کے پہلے میچ میں بنگلہ دیش اے کو 79 رنز سے شکست دے دی۔ جمعرات کو ڈارون میں شاہینز نے 4 وکٹوں پر 227 رنز بنائے۔ ناکام ٹیم 16.5 اوورز میں 148 رنز بناکر آؤٹ ہوگئی۔ پاکستان شاہینز کواوپنرز خواجہ نافع اور یاسرخان نے 118 رنز کا آغاز فراہم کیا۔ خواجہ نافع نے8 چوکوں اور 2 چھکوں کی مدد سے61 ، یاسرخان نے 7 چوکے اور2 چھکوں کے ساتھ 62، عبدالصمد نے27 گیندوں پر ایک چوکے اور5 چھکوں کی مدد سے56 رنز ناٹ آؤٹ اور کپتان محمد عرفان خان نے25 رنز کی اننگز کھیلی جس میں ایک چوکا اور3 چھکے شامل تھے۔ بنگلہ دیش اے کیلئے جیشان عالم 33 اور سیف حسن نے جارحانہ 57 رنز بنائے۔ فیصل اکرم اور سعد مسعود نے تین، تین اور محمد وسیم جونیئر نے 2 وکٹیں حاصل کیں۔
