• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت اور چین کا پانچ سال بعد سرحدی تجارت بحال کرنے پر غور

آج کا اخبار
اہم خبریں
15 اگست ، 2025
نئی دہلی (اے ایف پی) بھارت اور چین پانچ سال بعد سرحدی تجارت دوبارہ شروع کرنے پر بات چیت کر رہے ہیں۔ ٹرمپ کے محصولات سے متاثرہ عالمی تجارتی نظام میں بھارت چین تعلقات میں نرمی لانے پر مجبورہوئے ہیں۔ چینی وزیرخارجہ کی مذاکرات کیلئے پیر کو نئی دہلی آمد متوقع ، جے شنکر جولائی میں بیجنگ کا دورہ کر چکے۔ ماضی میں برف پوش اور بلند و بالا ہمالیائی سرحدی راستوں سے دونوں پڑوسی ممالک کے درمیان تجارت کا حجم کم ہوتا تھا، لیکن اس کی بحالی کو علامتی طور پر اہم سمجھا جا رہا ہے۔ دونوں بڑی اقتصادی طاقتیں طویل عرصے سے جنوبی ایشیا میں اسٹریٹجک اثر و رسوخ کیلئے مقابلہ کرتی رہی ہیں۔تاہم امریکی صدر ڈونلڈ ٹرمپ کے محصولات کے نظام سے پیدا ہونے والے عالمی تجارتی اور جغرافیائی سیاسی بحران کے تناظر میں دونوں ممالک تعلقات بہتر کرنے کی کوشش کر رہے ہیں۔ بھارتی میڈیا کے مطابق چینی وزیر خارجہ وانگ یی پیر کو نئی دہلی میں مذاکرات کیلئے متوقع ہیں، اس سے قبل بھارتی وزیر خارجہ سبرامنیم جے شنکر جولائی میں بیجنگ کا دورہ کر چکے ہیں۔اس کے ساتھ ساتھ براہِ راست پروازوں اور سیاحتی ویزوں کے اجرا پر ہونے والے معاہدوں کو بھی 2020 میں دونوں ممالک کے فوجیوں کے درمیان ہونے والی مہلک سرحدی جھڑپ سے متاثرہ تعلقات کو بحال کرنے کی کوشش کے طور پر دیکھا جا رہا ہے۔
اہم خبریں سے مزید