• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تحریک تحفظ آئین پاکستان کے زیراہتمام پشتون اضلاع میں مظاہرے

میرا شہر
کوئٹہ
16 اگست ، 2025
کوئٹہ(اسٹاف رپورٹر)تحریک تحفظ آئین پاکستان کے زیراہتمام گلی گلی میں شور ہے موجودہ حکومت چور ہے ، جمہوریت زندہ باد ، آمریت مردہ آباد ، تحریک انصاف کے بانی اور دیگر سیاسی قیدیوں کو رہا کرو کے نعروں کے تحت ہرنائی ، چمن ، پشین ، کوئٹہ سمیت صوبے کے پشتون اضلاع میں احتجاجی مظاہرے منعقد کیے گئے جن میں مظاہرین نے احتجاج ریکارڈ کرایا ۔ احتجاج سے پارٹی رہنماوں نے خطاب کرتے ہوئے کہا کہ تحریک تحفظ آئین پاکستان کے سربراہ اور پشتونخواملی عوامی پارٹی کے چیئرمین محمود خان اچکزئی کی ہدایت پر تحریک کے کارکنان ہر پرامن جمہوری احتجاج کے لیے ہمہ وقت تیار ہیں ۔ انہوں نے کہا کہ ملک میں آئین کی مسلسل پامالی جاری ہے ، آج بھی عوام حقیقی آزادی اور بنیادی انسانی حقوق سے محروم ہیں ۔ انہوں نے کہا کہ تحریک انصاف کے بانی کو گزشتہ دو سال سے جیل میں رکھا گیا ۔ انہوں نے مطالبہ کیا کہ بانی پی ٹی آئی سمیت تمام سیاسی قیدیوں کو فوری طور پر رہا کیا ، ملک میں از سرنو صاف شفاف غیر جانبدارانہ انتخابات کرائے جائیں ۔ انہوں نے کہا کہ ملک میں آئین کی بالادستی ناگزیر ہے جس کے لئے تحریک تحفظ آئین پاکستان کے سربراہ محمود خان اچکزئی کی قیادت میں جاری جدوجہد اور ان کے پیش کردہ تجاویزپر عملدرآمد سے ہی ملک بحرانوں سے نجات حاصل کرسکتا ہے ۔
کوئٹہ سے مزید