• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

برطانوی پاکستانی طالبہ ماہ نور نے کیمبرج سسٹم میں تاریخ رقم کر دی

آج کا اخبار
اہم خبریں
16 اگست ، 2025
لندن (نیوزڈیسک)برطانوی پاکستانی طالبہ ماہ نور چیمہ نے کیمبرج سسٹم میں تاریخ رقم کر دی ہے۔18 سالہ ماہ نور نے 24 اے لیول مضامین میں اعلیٰ امتیازی نمبر حاصل کر کے ایک ہی وقت میں چار نئے عالمی ریکارڈ قائم کر دیے۔ان کو آکسفورڈیونیورسٹی میں داخلہ بھی مل گیا۔ طالبہ اب چھ عالمی ریکارڈز کی مالک ہیں جو دنیا بھرمیں سیکنڈری اسکول طالبعلم کیلئے سب سے زیادہ ہیں۔ ماہ نور نے گفتگو کرتے ہوئے کہا کہ آکسفورڈ میں داخلہ میرے بچپن کا خواب تھا، سہرا والدین کی قربانیوں کو جاتا ہے۔غیرملکی میڈیا رپورٹس کے مطابق اس سے قبل وہ 34 جی سی ایس ای مضامین میں بھی شاندار کامیابی حاصل کر چکی ہیں۔ماہ نور چیمہ اب مجموعی طور پر چھ عالمی ریکارڈز کی مالک ہیں، جو دنیا میں کسی بھی سیکنڈری اسکول طالب علم کے لیے سب سے زیادہ ہیں۔ شاندار کارکردگی کے بعد انہیں آکسفورڈ یونیورسٹی میں میڈیسن کی تعلیم کے لیے داخلہ مل گیا ہے۔ماہ نور نے سب سے زیادہ انفرادی اے لیول مضامین پاس کرنے، سب سے زیادہ اے پلس اور اے گریڈز حاصل کرنے، اور سب سے زیادہ کل مضامین میں امتیازی کامیابی حاصل کرنے جیسے ریکارڈز قائم کیے۔ماہ نور کا کہنا ہے کہ یہ میرے بچپن کا خواب تھا، جو اب پورا ہو گیا ہے۔ آکسفورڈ میں داخلہ پانا میرے لیے خوشی کا لمحہ ہے، اور اس کا سہرا میرے والدین کی قربانیوں کو جاتا ہے۔پاکستانی طالبہ نے موسیقی میں بھی ڈپلومہ حاصل کر رکھا ہے، اداکاری اور پبلک اسپیکنگ میں گولڈ میڈلز جیتے ہیں، اور وہ مینسا کی ممبر بھی ہیں۔ ماہ نور کے والد کے مطابق ماہ نور میک بک اب بھی استعمال کررہی ہیں اور اس پر اے لیول کی تیاری کے اور آکسفورڈ کیلئے انٹرویو بھی دئیےمیڈیسن کی تعلیم حاصل کرنا ماہ نور کا خوب تھا وہ اب دو ماہ بعد یونیورسٹی شروع کرے گی۔
اہم خبریں سے مزید