فرمان الہی
نماز کے اوقات
اسلام آباد ( نیوز رپورٹر) شجر کاری مہم کے دوران 41 ملین نئے پودے لگائے جائیں گے۔
صدر آصف علی زرداری اور وزیرِ اعظم شہباز شریف نے مون سون شجر کاری مہم کے موقع پر اپنے پیغام میں کہا ہے کہ ملک گیر شجر کاری مہم کا آغاز 18 اگست کو ایک ایسے وقت میں کیا جا رہا ہے جب پاکستان کو موسمیاتی تبدیلی کے شدید خطرات کا سامنا ہے۔
اُنہوں نے کہا کہ کسی بھی قوم کی بھلائی اور ترقی اس کے جنگلات اور قدرتی ماحول کے تحفظ پر منحصر ہے۔
دونوں نے مزید کہا کہ جنگلات کی کٹائی، بڑھتا ہوا درجہ حرارت اور مسلسل سیلاب جیسے چیلنجز لاکھوں زندگیوں کو متاثر کرتے ہیں جب کہ ناکافی جنگلات سے کرہ ارض ایسی آفات کا شکار ہوجاتی ہے جو ہماری معیشت، زراعت اور بہبود کو خطرے میں ڈالتی ہیں۔
اُنہوں نے یہ بھی کہا کہ شجر کاری مہم علامتی نہیں بلکہ یہ پاکستان کے مستقبل کے تحفظ کے لیے ایک اہم اقدام ہے۔
