• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی حکومت کو بجلی وصولیوں کے نقصانات 183 ارب کم کرنے میں بڑی کامیابی

آج کا اخبار
اہم خبریں
18 اگست ، 2025
اسلام آ باد ( رانا غلام قادر)سرکاری بجلی تقسیم کارکمپنیوں کی نااہلی اورچوری کی مد میں کیےگئے نقصانات میں بڑی کمی نہ لائی جاسکی جس کے باعث قومی خزانے کوکھربوں روپے کا نقصان پہنچاہے۔گذشتہ مالی سال کے دوران ڈسکوزکےنااہلی اورچوری کی مد میں نقصانات صرف گیارہ ارب روپےکم ہونے کے بعد265ارب روپے رہے تاہم وفاقی حکومت کو بجلی وصولیوں کےنقصانات ایک سو تراسی ارب روپے کم کرنے میں بڑی کامیابی ملی ہے ۔مالی سال 2023۔24 کےدوران بجلی چوری اور ڈسکوز کی نااہلی کے نقصانات 276 ارب روپے تھے جو گذشتہ مالی سال 2024۔25 میں 11 ارب روپے کی کمی سے 265 ارب روپے پر آگئے-سرکاری ڈیٹا کے مطابق گذشتہ مالی سال ڈسکوزکی انڈری ریکوریزمیں 183ارب روپےکی کمی ہوئی جس کے بعدگذشتہ مالی سال کےدوران ڈسکوز کی انڈر ریکوریز132ارب روپے رہی اور مالی سال2023۔24 میں یہ نقصانات 315ارب روپےتھے-
اہم خبریں سے مزید