• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ میں جاری ترقیاتی منصوبوں کو جلد از جلد مکمل کیا جائے، کمشنر کوئٹہ

میرا شہر
کوئٹہ
18 اگست ، 2025
کوئٹہ( خ ن) کمشنر کوئٹہ ڈویژن شاہزیب خان نے ڈپٹی کمشنر کوئٹہ کیپٹن(ر)مہراللہ بادینی اور پروجیکٹ ڈائریکٹر کوئٹہ ڈویلپمنٹ پروجیکٹ (کیو ڈی پی) رفیق بلوچ کے ہمراہ کوئٹہ شہر میں جاری مخلتف ترقیاتی منصوبوں کا تفصیلی دورہ کیا۔اس دورے کے دوران پرنس روڈ، امداد چوک، گاہی خان چوک، کسٹم چوک سریاب، گولی مار چوک سبی روڈ، سمنگلی روڈ بورڈ آفس، صفا کوئٹہ ڈمپنگ پوائنٹ سمیت مختلف جاری ترقیاتی منصوبوں کا معائنہ کیا گیا۔ پی ڈی کیو ڈی پی رفیق بلوچ نے کمشنر اور ڈپٹی کمشنر کوئٹہ کو شہر میں جاری تمام منصوبوں پر کام کی پیشرفت اور مسائل کے حوالے سے تفصیلی بریفنگ دی اور اب تک پایہ تکمیل تک پہنچنے والے مراحل سے آگاہ کیا۔اس موقع پر کمشنر کوئٹہ ڈویژن شاہزیب خان کاکڑ نے متعلقہ حکام کو ہدایت کی کہ تمام ترقیاتی منصوبوں کو جلد از جلد اور مقررہ وقت میں پایہ تکمیل تک پہنچایا جائے اور جاری کام کی رفتار میں مزید تیزی لائی جائے تاکہ عوام الناس کی مشکلات میں کمی اور بروقت ان منصوبوں کے ثمرات سے مستفید ہوسکیں۔انہوں نے کہا کہ ترقیاتی منصوبے عوام کی سہولت اور شہر کی خوبصورتی کے لیے نہایت اہم ہیں۔لہذا معیار پر کسی قسم کا سمجھوتہ برداشت نہیں کیا جائے گا۔کمشنر نے اس عزم کا اظہار کیا کہ ضلعی انتظامیہ اور تمام متعلقہ ادارے باہمی تعاون سے ترقیاتی منصوبوں کو وقت مقررہ میں مکمل کریں گے تاکہ کوئٹہ شہر کے مسائل میں کمی اور شہریوں کو بہتر سہولیات فراہم کی جاسکیں۔اس موقع پر کمشنر کوئٹہ ڈویژن نے مشرقی بائی پاس پر واقع ویسٹ ڈمپنگ سائٹ کا بھی دورہ کیا۔
کوئٹہ سے مزید