فرمان الہی
نماز کے اوقات
دنیا کی معمر ترین زندہ شخصیت اور گنیز ورلڈ ریکارڈ کے مطابق اب تک کی سب سے معمر ترین برطانوی خاتون ایتھل کیٹرہم نے اپنی طویل ترین زندگی کے راز سے پردہ اٹھا دیا۔
غیر ملکی میڈیا کے مطابق کیٹرہم کو 30 اپریل کو 116 سال کی عمر میں برازیلی خاتون اینا کینابارو لوکاس کی موت کے بعد گنیز ورلڈ ریکارڈز اور لونجیوی کوئسٹ کی جانب سے باضابطہ طور پر دنیا کی معمر ترین زندہ شخصیت قرار دیا گیا تھا۔
کیٹرہم نے جمعرات کو انگلینڈ کے علاقے سرے میں اپنی 116ویں سالگرہ منائی، ان کی بہن گلیڈس بیبیلاس کا 2002ء میں 104 سال اور 78 دن کی عمر میں انتقال ہوا تھا۔
کیٹرہم کی دونوں بیٹیاں ان کی زندگی میں ہی انتقال کر گئیں، تاہم ان کی 3 پوتیاں اور 5 پڑپوتے موجود ہیں۔
کیٹرہم کیئر ہوم میں رہتی ہیں جس کے ترجمان کے مطابق کیٹرہم نے اپنی سالگرہ پر کوئی بھی انٹرویو دینے سے انکار کیا اور اس کے بجائے یہ دن اپنے خاندان کے ساتھ منانے کا فیصلہ کیا، البتہ برطانوی شاہ چارلس کا فون آنے کی صورت میں انہیں مستثنیٰ قرار دینے کا عندیہ دیا۔
ایک بار ایک جریدے کو انہوں نے اپنی طویل زندگی کا راز بتاتے ہوئے کہا تھا کہ ہر موقع کو ہاں کہیں کیونکہ آپ کبھی نہیں جانتے کہ یہ آپ کو کہاں لے جائے گا، مثبت ذہنی رویہ اپنائیں اور ہر چیز میں اعتدال رکھیں۔
