• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم؛ غذر کے متاثرہ علاقوں میں ریسکیو آپریشن جاری رکھنے کی ہدایت دیدی

آج کا اخبار
اہم خبریں
24 اگست ، 2025
اسلام آباد( نیو زرپورٹر)وزیراعظم محمد شہباز شریف نے گلگت بلتستان کے علاقے غذر میں گلوف کے باعث سیلابی صورتحال بننے پر خصوصی احکامات جاری کر دیے۔سیلابی صورتحال  میں تمام رہائشیوں کو قبل از وقت محفوظ مقامات پر منتقل کرنے پر ریسکیو ٹیموں،رضاکاروں کی پذیرائی وزیراعظم نے سیلابی صورتحال کے پیش نظر علاقے کے تمام رہائشیوں کو قبل ازوقت محفوظ مقامات پر منتقل کرنے پر ریسکیو ٹیموں اور مقامی رضاکاروں کی پزیرائی کی اور این ڈی ایم اے اور ضلعی انتظامیہ کو غذر کے متاثرہ علاقوں میں ریسکیو آپریشن جاری رکھنے اور آنے والے دو اسپلز کے حوالے سے متاثرہ علاقوں میں امدادی سرگرمیاں تیز کرنے کی ہدایت کی ہے تاکہ متاثرین کو اگلے اسپیل سے پہلے محفوظ مقامات پر پہنچایا جاسکے۔وزیراعظم نے تمام متعلقہ حکام کو آنے والے دنوں میں سیلابی صورتحال کے پیش نظر ملک کے زیریں علاقوں میں امدادی کاروائیوں کی مکمل تیاریاں رکھنے کی ہدایت کی ہے۔ وزیر اعظم نے کہا ہے کہ دریاؤں، ندی نالوں اور پانی کی قدرتی گزرگاہوں کے گرد تعمیرات کو روکنے کیلئے قومی سطح پر مہم چلائیں گے۔
اہم خبریں سے مزید