فرمان الہی
نماز کے اوقات
کراچی (اسٹاف رپورٹر) پرتھ اسکارچرز نے ٹاپ اینڈ ٹی ٹوئنٹی سیریز کے سیمی فائنل میں پاکستان شاہینز کو 48رنز سے ہرادیا۔کیٹن کریچل نے لگاتار تین گیندوں پر مبصرخان، سعد مسعود اور مہران ممتاز کو آؤٹ کرکے ہیٹ ٹرک کی ۔ ڈارون میں اتوار کو پرتھ اسکارچرز نے 8وکٹ پر 155رنز بنائے۔ شاہینز 17.1اوورز میں 107رنز بناکر آؤٹ ہوگئی۔ ایک موقع پر اسکارچرز کے 69پر چھ کھلاڑی آؤٹ تھے۔ نکولس ہابسن 59،کپتان وائلی 29اور میتھیوکیلی نے23 رنز بنا کر اسکور 155تک پہنچایا۔ شاہینز کی طرف سے سعد مسعود نے21 رنز دے کر3 ،مہران ممتاز اور وسیم جونیئر نے دو دو شکار کیے ۔ پاکستان شاہینز کو پہلے ہی اوور میں یاسر خان کا صفر پر نقصان برداشت کرنا پڑا۔ تیسرے اوور میں معاذ صداقت 5رنز بناکر آؤٹ ہوگئے۔ عبدالصمد 10، خواجہ نافع 26 اور کپتان عرفان خان 17رنز بناکر آؤٹ ہوئے ۔ وسیم جونیئر نے3چوکوں اور ایک چھکے کی مدد سے 25رنز بنائے۔ کیٹن کریچل نے 13رنز دے کر3وکٹیں حاصل کیں۔ میتھیو کیلی اور برائس جیکسن نے دو دو وکٹ لیے۔
