فرمان الہی
نماز کے اوقات
کراچی ( اسٹاف رپورٹر) میئر کراچی بیرسٹر مرتضیٰ وہاب نے گلشن حدید میں فراہمی آب کی دو نئی لائنوں کے جاری کام کا معائنہ کیا، اس موقع پر ڈپٹی میئر کراچی سلمان عبداللہ مراد، منتخب چیئرمین اور دیگر بلدیاتی عہدیدار بھی ان کے ہمراہ تھے، میئر نے کہا کہ پاکستان اسٹیل مِل انتظامیہ کی مسلسل غفلت کے باعث گلشن حدید کے عوام پانی جیسی بنیادی سہولت سے محروم ہیں ، چند افراد کی ہٹ دھرمی کی وجہ سے بھی مقامی آبادی کو شدید مشکلات کا سامنا کرنا پڑا تاہم بلدیاتی قیادت اب اس مسئلے کے مستقل حل کے لیے بھرپور اقدامات کر رہی ہے،آئندہ دنوں میں مزید علاقوں میں بھی پانی کی نئی لائنوں کا کام شروع کیا جائے گا،انہوں نے واٹر کارپوریشن کے افسران کو سختی سے ہدایت کی کہ گلشن حدید کی نئی لائنوں کا کام دو ہفتوں کے اندر ہر صورت مکمل کیا جائے۔
