• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زبان کا غلط استعمال کریں تو لاتیں بھی پڑتی ہیں: بشریٰ انصاری کا روبی انعم کو کرارا جواب

— فائل فوٹو
— فائل فوٹو

پاکستان کی سینئر و لیجنڈری اداکارہ بشریٰ انصاری نے اسٹیج اداکارہ روبی انعم کو آڑے ہاتھوں لے لیا۔

اس عمر میں وی لاگنگ کرنے پر روبی انعم نے بشریٰ انصاری کو تنقید کا نشانہ بنایا تھا، جس پر اب سینئر اداکارہ کا ردعمل سامنے آگیا ہے۔

حال ہی میں بشریٰ انصاری نے نیا وی لاگ شیئر کیا اور کہا کہ شکر ہے کہ معین اختر، عمر شریف اور ضیا محی الدین صحیح وقت میں وفات پاگئے۔


لیجنڈری اداکارہ نے کسی کا نام لیے بغیر اپنے اوپر ہونے والی تنقید کا جواب دیتے ہوئے اسے سستی شہرت حاصل کرنے کا حربہ قرار دیا۔

انہوں نے کہا کہ انٹرنیٹ پر بکواس سنی تو میں ہنس پڑی، میں نے سوچا کہ یہ کون ہے میں تو جانتی بھی نہیں، ہوسکتا ہے کسی کو شہرت کا مزاہ چکنا ہوگا تو لے لیا ہوگا۔

ان کا کہنا ہے کہ ایک دن تو میں کہہ رہی تھی کہ شکر ہے معین اختر وقت پر فوت ہوگئے، عمر شریف اور ضیا محی الدین بھی وقت پر عزت سے فوت ہوگئے کیونکہ گھٹیا لوگ تو کسی کو بھی کچھ بھی کہہ سکتے ہیں۔

بشریٰ انصاری نے طنز و تنقید کرتے ہوئے مزید کہا کہ اب امیتابھ بچن صاحب ہیں میں اتنی دور بیٹھ کر بھی ان کا نام عزت سے لیتی ہوں، پھر چاہے وہ 84 کے ہوں یا 95 کے ان کی کیا بات ہے۔


انہوں نے یہ بھی کہا کہ زبان کا استعمال اسے صیح یا غلط بناتا ہے، آپ کے الفاظ کا چناؤ اچھا ہو اور آپ سامنے والے کے لیے اچھی بات کریں جب ایسا نہیں کرتے تو صرف لوگوں کی لاتیں ہی نہیں پڑتی اللّٰہ تعالیٰ کی لات بھی پڑتی ہے۔ اگر کسی سے کوئی جھگڑا ہے تو بھی خیال کرنا چاہیے اور اگر کوئی جھگڑا ہے ہی نہیں تو کسی کے بارے میں کچھ بھی کہنے سے پہلے خیال کرنا چاہیے۔

انٹرٹینمنٹ سے مزید