فرمان الہی
نماز کے اوقات
کراچی (اسٹاف رپورٹر) وفاقی حکومت نے پاکستان کی ہاکی ٹیم کی آئندہ ایف آئی ایچ پرو لیگ (سیزن 7) میں شرکت کےلئے 25کروڑ روپے کی مالی معاونت کی منظوری دے دی ۔ پاکستان اسپورٹس بورڈ کے مطابق مجموعی طور پر 40کروڑ روپے کی منظوری دی گئی ہے۔ اس رقم میں سے 25 کروڑ روپے پاکستان ہاکی فیڈریشن کے لیے مختص کیے گئے ہیں تاکہ قومی ٹیم کی پرو لیگ میں شرکت کو ممکن بنایا جا سکے، جبکہ 15کروڑ روپے اسلام آباد میں پہلے قومی یوتھ گیمز کے انعقاد کےلئے رکھے گئے ہیں۔ پی ایس بی نے پی ایچ ایف سے کہا ہے کہ وہ تین دن کے اندر ایک جامع پلان جمع کرائے جس میں سفر کے شیڈول، لاجسٹک سہولیات، انتظامی امور اور تربیتی تفصیلات شامل ہوں۔ پرو ہاکی لیگ کے لئے دس کروڑ روپے کا بند بست پی ایچ ایف کو کرنا ہوں گے۔
